الشاعرة كريمه التاجوري - أصابع المطر

أصابع المطر

مدونة الأديبة الليبية : نورا إبراهيم

السبت، 10 أبريل 2010

الشاعرة كريمه التاجوري


-        كريمة عبدا لله التربل التاجوري.
تكتب الخاطرة والمقالة والقصة القصيرة
نشرت كتاباتها صحيفة الشمس والجماهيرية والزحف الأخضر شاركت في عدة مسابقات وحصلت على ترتيب متقدمة على مستوى الجماهيرية
وهمسات شعرية ديوانها الأول طبع في 2007 مسحي.

نماذج من قصائدها
الأيام

ليّام جمعت بينا وعشناها
عا الود ديمة صافية القلوب  القلوب
وليّام للي واكبوا خباياها
يداروا عليها ويحذروا العيوب
وليّام كان دارت علي مولاها
تخلّيه حاير فــ الصحارى يجوب
وليّام لو واتت الريح معاها
ياما توريّلكحكاوي صوب
وليّام في دنيا الغلا محلاها
والعمر يحلى بشوفة المحبوب
وليّام زهو اللي عرف معناها
وعاش المحبة وداب فيها دوب
وليّام مش ديمة يدوم زهاها
بنادم اللي بِيسيّره المكتوب
وليّام مرات السواد طلاها
وتدور تحلى وتُنشرا الطيوب
وليّام يلي سامعين كلامي
المفروض بمعنى سامي
والحب ديمة مع الرفق مطلوب

وأيضاً :



طال السهر

طال السهر نعست العين غفيت
حَطيت راسي نمت ياما ريت
تصاوير واجـــــــــــــــد جتني
قداش في طريق المتاهة رمتني
لــــــــ أيام في سنين الغلا شالتني
تّفكرتها نزلت دموعي بكيت
تصاوير يـــا محــــــــــــــــلاها
تفكّرتها وياما قضيت معاهـــــا
أيام الغلا سمحة اللي عشناهـــا
وعدّت سنين العمر ما حَسيت
عدّت أيام سنينــــــــــــــــــــي
ولسنين غّيتكم اليوم حـــــــنّيت
في النوم تحلم عينـــــــــــــــــــي
وتجيب في صورة عزيز يجيني
ياما خيالي جــــــــــــــــــــــــــــاب
تصاويرهم هلّي عليا أحبـــــــــــاب
تخايلتهم من لهفتي عا البــــــــــــاب
وقفزت نجري حد مالا قيــــــــــــت
وأيضا:

هجرتك


مش كيف ما ظنّيت
ها المرة خاب ضنك
وحتى بلهفة جـــــيت
مُحال نقرب منّــــــك
بنقولك ونسيـــــــــت
بإرادتي تخليــــــــت
ولا عاد نبي نُضمك
تخلصت من سلطانك
اللّي فرضته علـــــيا
وما عاد هوّ مكـــانك
ولا عاد أنا هــــــــيّ
والقلب عندي هانـــك
وقاوم ضغوطك ليــا
ما عاد حلو كلامـــك
بسرعة يــــــأثر فيا
اليوم ديرها قدامــك
صورة ومأساويــــة
إرسم فتاة أحلامـــك
متحــــــــدية وقويـة
وإنسىسريب أوهامك
اللّى سارية في دمـــّك
خليت دمع العــــــــين
أمطــــــــــاره سخية
وإنت ما تـــــــــــلين
تقسى بـــــاسم الغية
والحب الدفيـــــــــن
نار تشـــــــعل حية
وبإسم الحـــــــــنين
تجي ويزيد همــك
لامش كيف تبـــــي
دعيتني للجيـــــــــة
ولاماني ملبـــــــــي
دعوتك هـــــــا دية
ولاما نكـــــش حُبي
ولا عزيز عـــليا
لا . لا . وحق ربي
ماني اللي نهمــك

مش كيف ما ظنيت

هناك تعليق واحد:

  1. غير معرف11/02/2012

    ياريت دام زمن الغلا بينا ولا كان الفراق يطول بينا
    لو تذكرتيني واللي كان بنا هتقولي ياريت ما دخل شيطان بنا
    أتمنالك السعادة والصبر والهمة ومسير الزمان هيرجع اللي مضى منا

    إهداء للشاعرة كريمة عبد الله التربل

    ردحذف